الى شهداء الحزب الشيوعي العراقي / د. شاكر عبدالسادة المعموري
- التفاصيل
- نشر بتاريخ الخميس, 12 آذار/مارس 2015 18:31
احنه غربه بغيركمچنه إنتمنه
إحنه يمكم وانتو يمنه
يللي حلوين بطبعكم
ما نسيناكم أبد وعيونكم
يبقه اسمكم عالي ويرفرف علمكم
انتو الشموع التضوي بدارنه
وتبقه شمسكم
يلمشيتو بفد درب
واحنه بدربكم
من بطولتكم تعلمنه الشجاعه
بضي علمكم
كل بساتين الورد تبقه تحبكم
وهذوله احنه نشد احزامنه
ويه حزمكم
انتو المطر يمطر خير علدنيه
مطر مو شبه مزنه
انتو ريحان اورد يبقه يشدنه
انتو تبقون النشامه اعيونكم تجدح لعدنه
واحنه عيناكم أبد علظيم لا عارض يردنه
احنه منكم وانتو منه
گلوبكم ويه گلبنه
والرفاق الفارگونه بكل شرف
ذوله شرفنه
استشهادهم نوّر دربنه
بكل شجاعه بكل بطوله
صعدوا اعواد المشانق
يا شعب ذوله زلمنه
اشچم كربلا الصارت علينه
اشچم شمر گطّع بدينه
والحسين الثار ضد الظلم
واحنه بدربه ثرنه
وانتصر دم الحسين
وانثلم سيف اليضدنه
دم فهد حازم وصارم
صار درب البيه سرنه
والرفاق الفارگونه
همه شمعتنه وضوانه
ونور علدنيه مشاعل
أبد ما تنطفي عدنه
وبعزمهم تضحيتهم
بالأمل شدو عزمنه
من أجل حر الوطن
واجيالنه وعيشة شعبنه
والرفاق الشهداء
انردد وياهم نشيد
سنمضي سنمضي الى ما نريد
وطن حر وشعب سعيد