صوتَ للحق مو للباطل / مالك القريشي

صوَت بصوتك للعِلم لاهل الدرايه العالمه

ولا تصوَت للجهل واهل الكراسي النايمه

صوَت لليحب كل الشعب ما عنده تمييز

ولا تصوَت لليحب طائفته واخواله وعمامه

يعني هذا يريد يغرك بالنهب بالسلب بالبوگ

ومن هاي الدناءه راغب يحقق احلامه

صوَت بصوتك للشعب من اجل عمال وفلح

ومـن اجـل فـقـره الصـايـمـه

صوَت وانتخب لاهـل الفـهـم والـزود

وانتخـب اهـل الكـرامـه الحـالـمـه

صوَت انت ولاتحير اخذ عبره من السنين الظالمه

وخذ عبره من ثار الشعـب بالقاهـره

وبكل مـدينـه بمـصـر گامـت گايمـه

وبهذي الطريقه حققوا كل الحقـوق

والعداله والسلام والفراح الدايمـه

صوَت وحاسب ضميرك لا تتيهه فقره بينـه

بيد جاهل بالسياسه بيد جاهل بالرئاسه بيد المنيشن سهامه

صوَت ولتغيب يوم گالوا انتخاب ترتكب اكبر ذنب

يروح صوتك بالعجل لاهل الخرافه اللامـه

صوَت وخلي القلم يرسم الصح على الصحيح والوگف

شامخ كالجبل ضد الطغاة السـامـه

صوَت وما تندم ابد وانشد على اهل الاسامي السالمه

الشافت قهر شافت ضيم طبت سجن شافت حيف

من اهل السيوف الظالمـه

كافي مو صرنه بمهانه كلي يا حاكم اجانـه

اذا ما صاير اعدانه غارك بسلطه اجرامـه

صوَت وهل ساعه صوَت صوَت ولهل الشمال

صوَت ولهل الوسط صوَت ولهل الجنـوب

لكل شيعي لكل سني للاكراد و للمسيـح

وكل الاحزاب العالمـه

بصوت واحد احنه ونتم نهتف باسم العراق

عاش العراق وعاشت جماهير العـراق

نريد نسبح بالعدالة وبالسلامه الدايـمـه