بالتحرير ملكانه / سامي سلطان

وطنه يا وطنه ياغالي

نرخصلك الروح

عالي و تضل عالي

تاج انت على الرأس

غيره انت ...نوماس

تصبر على الضيم

طرفك مينداس

شعلة نار تتظاهر فخر تموز

انت اللافتة البيها الجموع تفوز

اشوفك وطن تزهي

بساحة التحرير

يبو كلب الوسيع

البيه الف شاره

خيمتنه الجبيره

البيها نلتم

وردتنا الجميلة

البيها نهتم

أنادي يلربع همتكم وياي

تعالوا يله ويانه

تحت النصب ملكانه

نغني للوطن للناس

نشد الحيل

نرفع فوك هامتنه

عزيمتنه وشهامتنه

تعلي لفوك نجمتنه

يبن الحره...للتهديد لا تهتم

ورد جوري .. محبه وطيب

شباب تفوح ريحتهم

بيهم نخوة الطيبين...

*بهيجة *وجعفر المقدام

الما هانت عزيمتهم

ــــــــــــــــــــــــــــــــــ

* بهيجة فتاة الجسر بنت العراق البطلة التي استشهدت متحدية النظام الملكي العميل. لتفتح الطريق أمام المتظاهرين كي يعبروا جسر الشهداء.

* الشهيد جعفر الجواهري وهو أخو شاعر العرب الكبير محمد مهدي الجواهري الذي رثاه بقصيدة «أخي جعفر».