ثلاث قصائد / كاظم لاله*

1 – رگصة ..

مرّه ..

رگصنه سوه

رگصة ضوه والماي

لا الماي بيّه دفه، إو لاني إبردت بالماي

إو مرّه التگينه سوه..

شطين نار إو ماي

لا الماي بيّه إشتعل، إو لاني طفاني الماي

إو مرّه سمعتك گلت:

النار من الأزل، مكنونه وسط الماي.

2 – حيرة ..

لا محراب يفتح باب

لا سرإنوجد بكتاب

ما تصعد صلاة الطين..،

هدهد طين..،

لا يحمل إبشاره، إو لا يصل للماي.

3 – ماني ..*

آنه مخفي إبظهوري، إبغيبتي ملگاي

آنه ، ماي اليزيح العطش عن الماي

سولفني زمن...، إبنار المجوس أسرار

إو ودعني زمن...، إبماي المرايا اسرار

يل مخفي إبظهورك..

سكتاتك حچي ، بيها الحروف أسرار

يا آخر نبي، جامع صليب إو نار

شب بينه گصب ، شايل حزن لليوم

مضوي إو مشتعل.

. . . .

إبيا نار ..؟!

تخمد نار..ّّ

ـــــــــــــــــــــــــــــ

* ماني/ إبن بابل، ولد في عام 216 ميلادي في بابل، وجاء فترة الى مملكة ميسان. جمع بين المسيحية والزرادشتية، إدعى أنه آخر نبي، قتله شاهبور، شاه ايران.