عيد وفرح وهلالين / جليل الهلالي
- التفاصيل
- نشر بتاريخ الخميس, 06 نيسان/أبريل 2017 11:28
شَكْتب يا دمع يتلاله عالجفنينلا يكدر يهل ويطيح
ولا يكدر يظل محبوس وسط العين
شَكْتب
وآنه بيه جروح
موبس جرح واحد .. لا جروح أثنين
جرح الأول بأعدام أبن سلمان
والثاني أجه أبتلاثه والستين
وتوالت علينا جروح
حدّوا كل سجاجين الغدر
يردونه أحنه نطيح
ما يدرون
إحنه العلمانه الوكت عالشدات
واحملنه فكر لينين
شَكْتب بعد كومة اسنين
حزبك يا فهد ما مات
ياحزب الشيوعي وكل هله الطيبين
يل بركان تهدر مو حمم للموت
تهدر للسلام ابغنوة امعرسين
يالعشكك عشك لو خضّر ويه الروح
يتعانك وياها امعانك امحبين
مثل امعاند الماي ويه جرفه اشما يحيه الزود
يحضن جرفه حضنة أم لأبنها الغايب أمن سنين
يا حزب الشيوعي أشلون
أحبك كبل ما صيرن
تعلمت العشك وانه بطن نسرين
يا حزب الشيوعي اشلون
احبك حب مطر للكاع
من تعطش الكاع أتريد مونة كيض
أصيرن والله غيمه
وأمطر أعله الكون والتكوين
سرد أهدي الحزب ياناس
وآنا الوكت خلاني الف بالبين
بس عندي الكلب والروح
أقدمهن هديه بعيدك الميمون
القيت في مناسبة الذكرى 83 لتأسيس حزبنا في الحفل الذي اقامته منظمة الحزب في استراليا