هدهد سليمان / كاظم لاله

* الى المناضل الشيوعي والقائد النقابي الرفيق شنّور عوده المندائي، الذي قاد اضرابات العمال في H3 في الاربعينيات*

مطلوب ..

مطلوب إعله عِرفَك هدهد سليمان

يل توصف عرش بلقيس لسليمان

يل توصف حِسن بلقيس لسليمان

مطلوب إعله عِرفك.

- - -

عِرفك والعظام البيك.. طلاسم للسحر، للغيب

هَلك سر الخرافه، إتعلگوا بنجوم

مشت بيهم أفلاك إو عرّسوا بالماي

هلك، باب السمه المفتوح، مغلوگين

ما وچّه إعله سرّهم طير.

- - -

عملتك، مِشت بالتاريخ..،

عام الفيل يا شنّور.

إو من ذاك الوكت لليوم..، صرت إحساب

إو من ذاك الوكت..،

بطلّت كل إحساب يا شنّور

إو من ذاك الوكت..،

والعيب بسليمان

العلّه بسليمان.

العيب بسليمان يا شنّور.