إمرايه ثانية للحلاج.. / ريسان الخزعلي
- التفاصيل
- نشر بتاريخ الخميس, 14 تموز/يوليو 2016 08:18
* . .مثل كل مرّه..،
تگول أرد استريح..!
... .... .....
گبل موتك .. بچيت أمّك..،
من ثداياهه الدمع..،
وإزلوفهه ..
إنهدّت..
نهر ..
گمره ..،
يصيح :
/ إنتَ النوم برموشك..،
فراشه إمن الجمر..،
شنهي اللهب وإتطيح..!../
ليش إبخطوتك للموت..،
لا گال / الخُضر/ سرّه..،
ولا ..
ع الخشبه ..
شفنالك مسيح ..؟!
تعبر للصحو /إمرايات بالحلاج/..؟!..،
والحلاج ..
بالوگفه ..
عله ..
إخدوده ..
الصُفار أحمر..،
وإضلوعه عليهه إنتچت حتّه الريح...