إلى أرواح شهداء الكرادة .. وطن القبور / خضير الزيدي
- التفاصيل
- نشر بتاريخ الخميس, 14 تموز/يوليو 2016 08:54
من گد مابنينه اگبور شبانابگاعك يا وطن من شافنه أيذوب
ومن گد ما دفنه ابگاعك اليوم
تخضر جثث من ننثرها الحبوب
گبل مفتوح بابك يكرم الضيف
اشو للموت صرت امفتح البوب
ماجان اليصيبك يمشي عالگاع
وهسه يا وطن يوميه مصيوب
گبل بغداد تزهي بصحوة الليل
وهسه الباب ينسد گبل الغروب
عادانه الوكت بيه دولة الخوف
من كثر الفساد وكثر العيوب
يوميه الحزن يترادف اوياك
او من دون الدول يوميه منكوب